BON BINI

Komo Ex presidente di "Nan a Yega" mi kier a yama bo BON BINI riba nos website. 

E motibu ku grupo NAN A YEGA tin su propio website ta pa tene su miembronan na altura di tur informashon ku ta di importansia pa por komparti ku nan. I alabes e karnavalista ku ta buskando informashon di karnaval. Huntu ku mi webmaster Jully Bernardus mi ta purba pa pone e informashonnan mas liher ku ta posibel riba e site.

Nan a Yega a ser lanta na anja 2006 pa mi persona i srta Elaine Con. Nan a Yega a bisti solamente trahe nan ku ta wordu pinta pa e gran yu di tera yen di talento Curtvin Bacuna biba na Den Haag Hulanda. Hopi ta esnan ku ta kere ku e grupo ta un grupo ku ta bini foi Hulanda, esei no ta e kaso. Loke si ta e kaso ku tin diferente miembro ku ta bibando na Hulanda i ku den temporada di karnaval ta forma parti di e famia di Nan a Yega.

Meta di e grupo tabata pa presentá un trahe ku no ta solamente bunita pa mira, pero tambe ku lo tin un mensahe pa tur hende . I alaves mi ke mustra ku un grupo di karnaval no mester ta karu pa e ta bon of bunita pero ku NAFL. 800,00  i hopi kreashon tambe e Gran Marcha di Kòrsou por laga un i tur gosa di e kreashonnan di nos mes hendenan.

NAN A YEGA no tabata un grupo grandi  i e grupo a wordu akompanja pa un grupo di baile bou di direkshon di Dennis Puriel.

Un danki na tur i muy espeshal kada miembro di grupo ku a keda juda i kere den e grupo NAN A YEGA.

No ta falta masha pa gran marcha dia 19 di februari 2012, kisas hopi di e karanan di e famia di Nan a Yega lo bo mira gosando i bailando den un otro grupo of komo FRIENDS. Sigi bishita e site aki pa tur informashon karnavalesko.

Ex Presidente Grupo di Karnaval "Nan a Yega" ,

Gregory Hilario Winklaar

Miembronan durante Marcha 2010!

Grupo di Karnaval:
Nan A Yega
Kaya Harmonia 8
Curaçao N.A.

Telefon korsow:   +5999 529 98 09  +5999 529 98 09  
Telefon hulanda:   +31 6 547 63 988  +31 6 547 63 988  
 

Sponsors